ब्लग - साहित्य / मनोरञ्जन

कस्तो बनेको छ "धनपति"-समीक्षा




   मन्दिप गाैतम - Jul 07 2017
"धनपति" समीक्षा

गत बर्ष थुप्रै अवार्डहरु जीत्न सफल चलचित्र “पशुपति प्रसाद” का निर्देशक र नायक अर्थात् दिपेन्द्र के खनाल र खगेन्द्र लामिछानेले फेरी एकसाथ काम गरेको चलचित्र “धनपति” यो हफ्ता रिलिज भएको छ । सर्वाधिक रुचाइएको पशुपति प्रसादकै कारण पनि धनपतिबाट सबैजसो चलचित्रप्रेमीलार्इ धेरै अपेक्षा रहेको छ । आज हाम्रो पात्रोको समीक्षामा हामि यहाँहरुलाई, के निर्दशक खनाल र नायक लामिछानेको जोडीले यसपटक ठुलो पर्दामा फेरी जादु गर्न सफल हुन्छ ? या चलचित्र हेर्न गएका दर्शकहरुले निराशा मात्र बोकेर फर्किनु पर्नेछ भन्ने कुराको जानकारी दिन्छौ ।

यो पनि हेर्नुहोस् : "ग्याङस्टर ब्लुज"को ट्रेलर

प्लट
१५ हजार मासिक तलब कमाउने खगेन्द्र लामिछाने अर्थात् धनपति बस्नेत काठमाण्डौमा आफ्नो श्रीमती र सानि छोरिसंग बस्दछन् । साइकल चढेर कार्यालय जाने खगेन्द्रको एउटै सपना छ । आफ्नो सानो छोरीलाई राम्रो स्कुल पढाउने । महंगाई बढेको काठमाण्डौ जस्तो सहरमा आफ्नो सपना पुरा गर्नकै लागि भएपनि धनपति चाहदा नचाहदै राजनीतिमा प्रवेश हुन् पुग्दछन् । त्यसपछि चलचित्रको कथा राजनीतिमा प्रवेश गरिसकेपछि धनपतिमा आएका परिवर्तन र यसका नकारात्मक असरहरु तर्फ बढेको छ ।

कथा,पटकथा र संवाद

चलचित्रको कथा पटकथा र संवादहरु खगेन्द्र लामिछानेले लेखेको हो । लामिछानेको लेखन शैलीबाट निक्कै अपेक्षा राख्ने मध्य म पनि एक हु । तर धनपतिको स्क्रिप्टमा थुप्रै समस्या देखिन्छ । कथा पृथक त छैन छैन , र यस्ता थुप्रै दर्शकहरु छन् जो अहिले चलचित्रमा गरिब परिवार र पैसाको अभावमा छोरीलार्इ राम्रो स्कुल पढाउन नसक्ने बुवाको कथा हेर्न पक्कै रुचाउदैनन्, तसर्थ दर्शकहरुको त्यो समूहलार्इ चलचित्र पहिलो हाफ सकिदै बोरिंग लागिसक्नेछ । चलचित्रको पहिलो हाफमा कथा अघि बढ्न सकेको छैन ।

दोस्रो हाफ निक्कै सम्भावनाहरु बोकेर सुरु त हुन्छ ,तर अनुमानित हुदै जाने क्लाईमेक्सले पनि तुलनात्मक रूपमा अलि राम्रो दोस्रो हाफलार्इ बचाउन सक्दैन । त्यसकारण पनि यो चलचित्रले धेरै बेर सम्म मानिसहरुको मनमा ठाँउ बनाउन सक्दैन । पर्दामा इमोसनल सिन चल्दा भावुक हुने दर्शकलार्इ भने कथा, पटकथाले बाध्न सक्छ । चलचित्रको संवादहरु भने राम्रा छन् ।

अभिनय
अभिनयमा भने खगेन्द्रले अपेक्षा अनुरुप काम गरेका छन् । एउटा साइकलमा कार्यालय जानेदेखि लिएर बिद्रोही क्रान्तिकारीसम्म उनले आफ्नो पात्रलार्इ न्याय दिएका छन् । सुरक्षा पन्तले भने आफ्नो च्याल्लेंजिंग लाग्ने कामलार्इ सरलताका साथ निभाएकी छिन , उनि उत्कृष्ट लाग्दछिन् , तर कतै कतै धनपतिलार्इ महत्व दिने क्रममा उनले मौका थोरै पाएको बुझिन्छ । बाकि , बाल कलाकारदेखि लिएर अरु सबै कलकारहरुको अभिनय राम्रो छ ।



प्राविधिक पक्ष र संगीत
प्राविधिक हिसाबले धनपति दिपेन्द्र के खनालका अरु चलचित्रहरुझैँ अव्वल छ । सैलेश श्रेष्ठको ब्याक्ग्राउण्ड म्युजिक उत्कृष्ट छ भने चलचित्रका गीतहरु चलचित्रमा ठिक ठाक सुहाएका त छन् तर गीतहरुले श्रोतालाई भने कुनै प्रभाव पार्दैन ।

निर्देशक
दिपेन्द्र के खनालले यसपटक धनपति मार्फत पर्दामा चमत्कार नै चाही गर्न सकेका छैनन् । तर चलचित्र खराब पनि पटक्कै छैन । चलचित्रको अन्तको आधा घण्टामा निर्देशकको काम उल्लेखनीय छ किनकि त्यसबेला दर्शकले केहि मात्रामा थ्रिल अवस्य पाउने छन् । तर, त्यस अलावा चलचित्रले बाधी राख्दैन । दर्शकहरुको एउटा समुहलार्इ भने यो चलचित्र उत्कृष्ट लाग्न सक्छ ।

समीकरण

समग्रमा भन्न पर्दा, यदि तपाई धेरै ठुलो अपेक्षा नबोकी चलचित्र हेर्नजानुहुनेछ भने तपाईको चित्त बुझ्न सक्छ , तर यदि तपाइँ गरिब बाउले आफ्नो छोरिलार्इ पढाउने सपना बोकेको किसिमको चलचित्र हेर्न रुचाउनु हुन्न भने धनपति तपाइँहरुको लागि पटक्कै हैन ।

रेटिंग : २.५ /५ 

Date Converter

Foreign Exchange

  • Currency
  • Buy
  • Sell
  • Indian Rupee (100)
  • 1.6
  • 1.6015
  • U.S. dollar
  • 103.4
  • 104
  • European euro
  • 122.97
  • 123.68
  • UK pound sterling
  • 139.32
  • 140.12
  • Swiss franc
  • 106.12
  • 106.74
  • Australian dollar
  • 81.99
  • 82.47
  • Canadian dollar
  • 83.63
  • 84.11
  • Singapore dollar
  • 76.42
  • 76.87
  • Japanese yen (10)
  • 9.19
  • 9.24
  • Chinese renminbi (Yuan)
  • 15.69
  • 15.78
  • Saudi Arabian riyal
  • 27.57
  • 27.73
  • Qatari riyal
  • 28.39
  • 28.56
  • Thai baht
  • 3.12
  • 3.14
  • UAE Dirham
  • 28.15
  • 28.31
  • Malaysian ringgit
  • 24.63
  • 24.77
  • Korean Won (100)
  • 9.12
  • 9.17
  • Swedish Krone
  • 12.92
  • 12.99
  • Danish Krone
  • 16.53
  • 16.62