हामी हरेक आइतवार साताभरी चर्चामा रहेका ७ विशेष खबरहरु यहाँहरुलाई एकैस्थानमा समेटेर पस्कने प्रयासमा छौं । गत सप्ताहको विशेष खबरहरुको कुरा गर्न पर्दा बंगलादेशी समकक्षी मोहमम्द अब्दुल हमिदको निमन्त्रणामा राष्ट्रपति भण्डारी राजकीय भ्रमणका लागि बङ्गलादेश जानुभएको छ । त्यसबाहेक, १७ फागुनमा खाल्डोमा लडेकी महिलालाई जिउँदै पुरेको आरोपमा डोजर चालक पक्राउ परेका छन् । त्यस्तै गत साता नेकपा एमालेका वरिष्ठ नेता झलनाथ खनाल र माधवकुमार नेपालले संसदीय बोर्डमा नबस्ने निर्णय गरेका छन् । खेलकुदको कुरा गर्ने हो भने गत साता नेपालको पहिलो फ्रेन्चाईज फुटबल नेपाल सुपर लिग (एनएसएल) को अक्सन भएको छ । त्यस्तै गत साता नै च्याम्पियन्स लिगको क्वाटरफाइनलको ड्र सार्वजनिक भएको छ ।