आफ्नै एआई चिप बनाउँदै छ डिपसिक

बेइजिङ । चिनियाँ एआई स्टार्टअप कम्पनी डिपसिकले आफ्नै एआई चिप विकास गरिरहेको अन्तर्राष्ट्रिय सञ्चारमाध्यामहरूले बताएका छन् ।

यो कदम सफल भएमा कम्पनीले आफ्ना लोकप्रिय एआई मोडेल सञ्चालन गर्न हाल निर्भर रहेको एनभिडिया र हुवावेका चिपमाथिको निर्भरता घटाउन सक्नेछ । रोयटर्ससँग कुरा गरेका यस मामिलासँग परिचित तीन स्रोतका अनुसार डिपसिकले विकास गरिरहेको चिप मुख्यतः इन्फरेन्सका लागि डिजाइन गरिएको हो । इन्फरेन्स भनेको प्रशिक्षित एआई मोडेलले प्रयोगकर्तालाई उत्तर दिने चरण हो । यो चिप नयाँ मोडेललाई प्रशिक्षण दिनका लागि भने नभएको बताइएको छ ।