धादिङमा करेन्ट लागेर गम्भीर घाइते ६ वर्षीया बालिकाको मृत्यु

धादिङ : धादिङमा करेन्ट लागेर गम्भीर घाइते भएकी एक बालिकाको उपचारका क्रममा मृत्यु भएको छ।

जिल्ला प्रहरी कार्यालय धादिङका अनुसार नीलकण्ठ नगरपालिका–४, रायटारमा आइतबार दिउँसो करिब १ः३० बजे सो दुर्घटना भएको हो। नीलकण्ठ नगरपालिका–८, रामकोट घर भई हाल रायटार बस्दै आएका सुजन श्रेष्ठकी ६ वर्षीया छोरी साया श्रेष्ठ आफ्नै घरको तेस्रो तलामा खेल्ने क्रममा हाईटेन्सन लाइनको तारबाट करेन्ट लागेर गम्भीर घाइते भएकी थिइन्।