पार्टी छोड्नेहरूले नाटक गरे, राजसंस्था पुनर्स्थापनाको वातावरण उनीहरूले नै बिगारे : लिङ्देन

काठमाडौँ । राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले पार्टी छोडेर जानेहरूले केवल ‘नाटक’ प्रदर्शन गरेको आरोप लगाएका छन् । पार्टीको शुक्रबारदेखि सुरु भएको केन्द्रीय समिति बैठकलाई सम्बोधन गर्दै उनले सिद्धान्त र विचारको नाम दिएर पार्टी छोड्नेहरूको कदम नियोजित र षड्यन्त्रपूर्ण भएको दाबी गरे । केही साता पहिले महामन्त्री धवलशमशेर राणालगायतले पार्टी छाडेका थिए ।

अध्यक्ष लिङ्देनले भने, ‘केही मानिसहरूले पार्टी विचारबाट विचलित भयो भनेर छोडेका छन्। तर यथार्थमा यो राप्रपालाई कमजोर बनाउने एउटा नाटक मात्र हो।’