चौध आणविक रिएक्टर प्रतिस्थापन गर्ने जापानको योजना

जापानले सन् २०५० सम्म पुराना १४ आणविक रिएक्टरहरू प्रतिस्थापन गर्ने लक्ष्य अघि सारेको छ । स्थानीय मिडिया रिपोर्टअनुसार ऊर्जा माग तीव्र रूपमा बढ्दै गएपछि टोकियोले आणविक ऊर्जामा निर्भरता पुनः विस्तार गर्ने रणनीति अघि बढाएको हो ।

विशेषगरी कृत्रिम बौद्धिकता (एआई), डाटा सेन्टर र सेमिकन्डक्टर उद्योगको विस्तारसँगै विद्युत् माग उच्च हुँदै गएको अवस्थामा पर्याप्त ऊर्जा आपूर्ति सुनिश्चित गर्न सरकारले यो योजना बनाएको जनाइएको छ । उद्योग मन्त्रालयले तयार पारेको योजनाअन्तर्गत सन् २०४० सम्म पाँच रिएक्टर र सन् २०५० सम्म कुल १४ रिएक्टर प्रतिस्थापन गर्ने लक्ष्य राखिएको छ ।