ओली-लेखकलाई कानुन बनाएर कारबाही गर्न आयोगको सिफारिस

काठमाडौँ। राष्ट्रिय मानवअधिकार आयोगले जेन-जी आन्दोलनताका प्रधानमन्त्री केपी ओली, गृहमन्त्री रमेश लेखक र सञ्चारमन्त्री पृथ्वी सुब्बा गुरुङलाई कारबाही सिफारिस गरेको छ। आयोगले बुधबार प्रतिवेदन सार्वजनिक गर्दै तत्कालीन सरकारका प्रधानमन्त्री र मन्त्रीलाई कारबाही सिफारिस गरेको हो।

तीनैजनाले मानवअधिकार उल्लंघन गरेको पुष्टि भएकाले कारबाही सिफारिस गरिएको आयोगले जनाएको छ। उनीहरूलाई मानवअधिकार उल्लंघन विषयमा सजाय गर्ने व्यवस्था हाल प्रचलनमा नरहेकाले नयाँ कानुन निर्माण गर्नुपर्ने आयोगले औँल्याएको छ। मानवअधिकार उल्लंघन विषयमा सजाय गर्ने कानुन निर्माणका लागि सर्वोच्च अदालतबाट सिद्धान्त प्रतिपादन भइसकेको नजीर समेत आयोगले औँल्याएको छ।