विश्वकप फुटबल : ब्राजिलले खेल त जित्यो, तर ‘रियल ब्राजिल’ अझै देखिन बाँकी

काठमाडौँ । विश्वकप फुटबल २०२६ अन्तर्गत समूह ‘सी’ को दोस्रो खेलमा ब्राजिलले हाइटीलाई ३–० ले पराजित गर्दै प्रतियोगितामा पहिलो जित निकालेको छ। तर सहज जित हात पारे पनि प्रशिक्षक कार्लो एन्सेलोटीको टोलीले अपेक्षित प्रदर्शन गर्न नसकेको भन्दै प्रश्न उठ्न थालेका छन्।

फिलाडेल्फियास्थित रङ्गशालामा ब्राजिलको गौरवशाली इतिहासको झल्को देखिएको थियो। सन् २००२ मा विश्वकप जितेको टोलीका सदस्य रोनाल्डिन्हो दर्शकदीर्घामा उपस्थित थिए भने समर्थकहरूले विश्वकप ट्रफीका डमी हल्लाउँदै टोलीलाई उत्साह प्रदान गरेका थिए ।