उपत्यकाका सार्वजनिक सवारी प्रविधिमैत्री बन्दै, जडान भए क्यामेरा र जिपिएस

काठमाडौं । काठमाडौं उपत्यकामा सञ्चालन हुने सार्वजनिक यातायातलाई सुरक्षित, पारदर्शी र प्रविधिमैत्री बनाउने अभियानअन्तर्गत हालसम्म तीन हजार ३०३ वटा सवारी साधनमा ड्यासक्यामेरा, सिसीक्यामेरा तथा जिपिएस प्रणाली जडान गरिएको छ ।

काठमाडौं उपत्यका ट्राफिक प्रहरी कार्यालयका अनुसार यात्रुको सुरक्षा सुनिश्चित गर्न, सवारी सञ्चालनको निगरानी प्रभावकारी बनाउन तथा सार्वजनिक यातायात क्षेत्रमा हुने अनियमितता नियन्त्रण गर्न यस्ता प्रविधिको प्रयोगलाई प्राथमिकता दिइएको हो ।