सुशासनको कसीमा शुद्धीकरणको तरबार

संयोग हो या होइन, नेपाल खैरोसूचीमा यथावत् रहेको समाचार आएकै दिन सम्पत्ति शुद्धीकरणमा पूर्वअर्थमन्त्री विष्णु पौडेल पक्राउ परे। फाइनान्सियल एक्सन टास्कफोर्स (एफएटीएफ)ले २०८१ फागुनदेखिको खैरोसूचीमा नेपाललाई निरन्तर राखिरहेको खबर सोमबारको हो।

त्यसै दिन पौडेल पक्राउ परे। एफएटीएफले भनिरहेकै विषय के हो भने नेपालले सम्पत्ति शुद्धीकरण गर्नै सकेन। अवैध आम्दानी वा स्रोत नखुलेको सम्पत्तिको नियमन भएन। त्यही मामलामा कमजोर भयो भनिएकै सन्दर्भमा वालेन्द्र नेतृत्व सरकार भने सम्पत्ति शुद्धीकरणको मुद्दामा ठूला माछा समात्न अग्रसर छ। एकथरीले यसलाई राजनीतिक प्रतिशोध पनि देखिरहेका छन्, सरकारकै भाषामा भने ऊ सुशासन कायम गर्ने एक्सप्रेस–वेमा कुदिरहेको छ।