अब नागरिकको मौखिक अनुरोधमै खाता रोक्का हुने, बैंकहरूले २४ सै घण्टा सेवा दिनुपर्ने

बढ्दो साइबर तथा वित्तीय अपराधको अनुसन्धानलाई थप प्रभावकारी र तीव्र बनाउन नेपाल राष्ट्र बैंकले बैंक तथा वित्तीय संस्थाहरूका लागि जारी गरिएको एकीकृत निर्देशनमा महत्वपूर्ण संशोधन गरेको छ।

नयाँ व्यवस्था अनुसार अबदेखि कुनै पनि कसुरको अनुसन्धान गर्ने निकाय वा कानुन कार्यान्वयन गर्ने अधिकारीको मौखिक वा लिखित अनुरोधमा वित्तीय अपराधसँग सम्बन्धित बैंक खाताहरू अल्पकालीन अवधिका लागि तत्काल रोक्का राख्नुपर्नेछ।