मुटु रोगका बिरामीको सङ्ख्या बढ्दो, विशेषज्ञ चिकित्सकको चरम अभाव

काठमाडौँ । अस्वस्थ जीवनशैली र खानपानमा आएको परिवर्तनसँगै मुटु रोगीको सङ्ख्या बढ्दै गएको छ । मुटु सम्बन्धी स्वास्थ्य समस्या भएका बिरामीको सङ्ख्या बढ्दै गएको बेला मुटु रोग विशेषज्ञको भने चरम अभाव देखिएको छ ।

नेपाल मेडिकल काउन्सिलको २०८२ चैतसम्मको वार्षिक प्रतिवेदन अनुसार नेपालमा विशिष्टीकृत मुटु रोग विशेषज्ञको सङ्ख्या अत्यन्तै न्यून छ । काउन्सिलमा दर्ता भएका कुल १३ हजार ३४ जना विशेषज्ञ चिकित्सकमध्ये मुटु रोग विशेषज्ञको सङ्ख्या जम्मा १४१ छ, जसमा १३० पुरुष चिकित्सक र ११ जना महिला चिकित्सक छन् ।