मेयर राजेशमानलाई धरौटीमा रिहा गर्न अदालतको आदेश

काठमाडौँ । पर्सा जिल्ला अदालतले वीरगञ्ज महानगरपालिकाका प्रमुख राजेशमान सिंहलाई दुई वटा मुद्दाको कसुरमा धरौटीमा रिहा गर्ने आदेश दिएको छ। जिल्ला अदालतका न्यायाधीश गायत्रीप्रसाद रेग्मीको एकल इजलासले मङ्गलवार लिखत सम्बन्धी कसुरमा प्रमुख सिंहलाई ४ लाख रुपैयाँ धरौटीमा छाड्ने आदेश दिएको हो।

अदालतका श्रेस्तेदार प्रभाकरकुमार मल्लिकका अनुसार झुठा विवरण पेस गरेर नागरिकता बनाएको कसुरमा भने प्रमुख सिंहलाई १५ हजार रुपैयाँ धरौटीमा छाड्न आदेश भएको छ। न्यायाधीशबाट आदेश आइसकेकाले नगरप्रमुख सिंहले धरौटीको रकम जम्मा गर्ने कानुनी प्रक्रिया अघि बढाएका छन्।