ईसिडी र विद्यालय कर्मचारी तलब बढेन, कुनै सरकारले नदेखेको गुनासो

काठमाडौं । सरकरी तथ्याङ्कअनुसार देशभर ४५ हजार ईसीडी शिक्षक र ३५ हजार विद्यालय कर्मचारी गरी ८० हजारभन्दा बढीको संख्यामा कार्यरत छन् । अर्थमन्त्री स्वर्णिम वाग्लेले संसद्मा पेस गरेको आगामी आर्थिक वर्षको बजेटले देशभरका विद्यालय कर्मचारी र बालविकास (ईसीडी) शिक्षकलाई सम्बोधन गर्न सकेको छैन।

विद्यालय कर्मचारी परिषद् र बालविकास शिक्षक केन्द्रीय समितिले सरकारले न्यून तलबभत्तामा कार्यरत कर्मचारी र शिक्षकको तलब वृद्धि नगरेकामा असन्तुष्टि जनाउँदै आन्दोलनको समेत चेतावनी दिएको छ। देशभर ४५ हजार ईसीडी शिक्षक र ३५ हजार विद्यालय कर्मचारी गरी ८० हजारभन्दा बढीको संख्यामा कार्यरत छन्। संघीय सरकार, स्थानीय तह र विद्यालयले पनि कर्मचारी र ईसीडी शिक्षक नियुक्त गर्ने हुँदा यकिन तथ्यांक छैन।