मलंगवामा नेपाल टेलिकमको ८० मिटर अग्लो टावरमा चढेका युवकलाई सकुशल उद्धार गर्ने प्रयास जारी, कारण अझै खुल्न सकेन मलंगवा

सर्लाही ।

सर्लाहीको सदरमुकाम मलंगवास्थित नेपाल टेलिकमको करिब ८० मिटर अग्लो टावरमा चढेका २४ वर्षीय अफसर आलम हुसैनलाई सकुशल तल झार्ने प्रयास आइतबार पनि जारी रहेको छ। पछिल्लो जानकारीअनुसार उनी अझै टावरको माथिल्लो भागमै रहेका छन् भने सुरक्षा निकायले उच्च सतर्कताका साथ उद्धार अभियान सञ्चालन गरिरहेको छ। सर्लाहीको गोडैता नगरपालिका–९ बकैनियाका स्थायी बासिन्दा हुसैन मलंगवास्थित सर्लाही क्याम्पसमा बीबीएस तहमा अध्ययनरत विद्यार्थी भएको खुलेको छ।