चालु आर्थिक वर्षको साढे ९ महिनामा उठ्यो ५०.३४ प्रतिशत राजस्व, सरकारको बजेट घाटा २ खर्ब ३६ अर्ब

नेपाली पैसा

काठमाडौं : चालु आर्थिक वर्ष २०७९–८० को साढे ९ महिना समाप्त हुँदा सरकारी बजेट खर्च ५४.८३% मात्र देखिएको छ । महालेखा नियन्त्रक कार्यालयको तथ्यांकअनुसार वैशाख १४ गतेसम्म सरकारले ९ खर्ब ८३ अर्ब ५१ करोड १९ लाख रुपैयाँ बराबर बजेट खर्च गरेको हो । यता, सोही अवधिमा कुल राजस्व आम्दानी भने ७ खर्ब ६ अर्ब ३८ करोड ७१ लाख रुपैयाँ मात्र रहेको छ । यो सरकारले निर्धारण गरेको राजस्व लक्ष्यको ५०.३४% मात्रै हो ।