अर्जेन्टिनाले चीनबाट हुने आयातको भुक्तानी अबदेखि डलरको सट्टा युआन गर्ने

नेपाली पैसा

काठमाडौं : अर्जेन्टिनाले चीनबाट हुने आयातको लागि डलरको सट्टा युआनमा भुक्तानी गर्न थाल्ने भएको छ । देशको घट्दो डलर सञ्चितिमा राहत पुर्याउने उपायको रुपमा अर्जेन्टिना सरकारले बुधबार उक्त घोषणा गरेको हो । अप्रिलमा चीनबाट हुने करिब १ अर्ब डलर बराबरको आयातको भुक्तानी डलरको सट्टा युआनमा तिर्ने अर्जेन्टिनाको लक्ष्य रहेको छ । त्यसपछि, मासिक ७९ करोड डलर बराबरको आयात युआनमा भुक्तानी गरिने सरकारी विज्ञप्तिमा उल्लेख छ ।