इरिक्सनको स्वास्थ्यमा सुधार, ‘पेसमेकर’ ले सही काम गरेको चिकित्सकको भनाइ

काठमाडौँ । युक्रेनविरुद्धको मैत्रीपूर्ण खेलका क्रममा आइतबार मैदानमै ढलेका डेनमार्कका स्टार खेलाडी क्रिस्टियन इरिक्सनको स्वास्थ्य अवस्था अहिले सामान्य रहेको छ । डेनिस राष्ट्रिय टोलीका चिकित्सक मोर्टेन बोएसेनले सार्वजनिक गरेको पछिल्लो जानकारी अनुसार इरिक्सन आफ्नै खुट्टामा हिँडेर मैदानबाट बाहिरिएका थिए ।

चिकित्सक बोएसेनका अनुसार मैदानमा ढलेपछि इरिक्सन केही समयका लागि बेहोस भएका थिए, तर उनी तुरुन्तै होसमा आएका थिए । “मैले देखे अनुसार उनको मुटुमा जडान गरिएको ‘पेसमेकर’ ले गर्नुपर्ने काम सही तरिकाले गर्‍यो,” बोएसेनले भनेका छन्, ‘उनी होसमा आए लगत्तै हामी उनको सम्पर्कमा थियौँ ।’