तोडफोडपछि पलाँता अस्पतालको सेवा बन्द, काममा नफर्कने डाक्टरको अडान

कालीकोटको पलाँता गाउँपालिका–९ थिर्पुस्थित पलाँता अस्पतालको सेवा बन्द भएको छ । सेवा बन्द भएसँगै अस्पतालमा मेडिकल अफिसर डा. अली हैदर राईन काममा नफर्कने भएका छन् । अस्पतालमा कार्यरत चिकित्सक र नर्समाथि कुटपिट तथा अस्पतालमा तोडफोड भएपछि अस्पताल अनिश्चितकालका लागि बन्द गरिएको हो ।

आफ्नो ड्युटीमा खटिएका चिकित्सक र नर्सहरू माथि गत साउन २२ गते शुक्रबार दिउँसो र त्यही दिन बेलुकी क्वाटरमा नै गएर दोहोर्‍याएर कुटपिट तथा तोडफोड गरेको घटना बाहिर आएको थियो ।