विदेश घुम्ने नेपाली बढ्दै, पाँच वर्षमा वार्षिक औसत दुई लाख पर्यटकीय यात्रामा

काठमाडौं । नेपालीको विदेश यात्रा अब वैदेशिक रोजगारी र अध्ययनमा मात्र सीमित छैन। पछिल्लो पाँच वर्षको तथ्यांकले घुमफिर र तीर्थयात्राका लागि विदेश जाने नेपालीको संख्या पनि उल्लेख्य रहेको देखाएको छ।

अध्यागमन विभागका अनुसार सन् २०२१ देखि २०२५ सम्म हरेक वर्ष औसत १ लाख ९९ हजार ९७६ नेपाली पर्यटन तथा तीर्थयात्राका लागि विदेशिएका छन्। सन् २०२५ मा मात्रै यस्तो उद्देश्यले विदेश जाने नेपालीको संख्या २ लाख ३३ हजार१०८ पुगेको छ।