सर्वसाधारणको रकम गरिमा विकास बैंकले झ्वाम पार्दै, झ्वाम पार्ने को–को ?

काठमाडौं । के तपाईंको गरिमा विकास बैंकमा खाता छ ?के तपाईंले आफुले मेहेनत गरेको रकम गरिमा बिकास बैंकमा राख्नु भएको छ ? यदी छ भने तपाईंका लागि आज दुखको खबर छ । कारण हो, ग्राहकले राखेको रकम बैंकको भवन किन्दा अपचलन गरेर प्रचलित मूल्यभन्दा बढी मूल्यामा किनिएको छ । प्राविधिक मूल्याङ्कन प्रतिवेदन र प्रचलित बजार मूल्यलाई समेत लत्याउँदै बैंक व्यवस्थापनले ३५ करोड ४० लाख रुपैयाँभन्दा बढी मूल्य तिरेको छ । सर्वसाधारणले दुःख गरेर बैंकमा जम्मा गरेको निक्षेप सुरक्षित छ त?भन्ने प्रश्न पनि उठिरहेको छ ।

गरिमा विकास बैंकले काठमाडौँको बालुवाटारमा ३७ आनाभन्दा बढी जग्गा र त्यसमा बनेको घर खरिद गर्दा प्रचलित बजार मूल्य र स्वयं प्राविधिक मूल्याङ्कन प्रतिवेदनलाई समेत लत्याउँदै करिब ३५ करोड ४० लाख रुपैयाँभन्दा बढी मूल्य तिरिएको भेटिएको छ। बजार मन्दीमा रहेका बेला प्राविधिक प्रतिवेदन भन्दा दोब्बर मूल्य हालेर जग्गा र भवन किनिएको छ ।