लिभरपुलको सेयर किन्दै विश्वका धनी बेजोस

एजेन्सि । अमेजनका संस्थापक जेफ बेजोसले लिभरपुल फुटबल क्लबको केही हिस्सा खरिद गर्ने सम्झौताको अन्तिम तयारी गरिरहेको समाचारहरू सार्वजनिक भएका छन् । उनी एउटा लगानीकर्ता समूहको हिस्सा हुन्, जसले लिभरपुलका मालिक फेनवे स्पोर्ट्स ग्रुप सँग वार्ता गरिरहेका छन् ।

स्काई न्यूजका अनुसार, यो सम्झौताको घोषणा यसै हप्ता हुन सक्छ। यो लगानीकर्ता समूहको नेतृत्व अमित भाटियाले गरिरहेका छन्, जो यसअघि क्विन्स पार्क रेन्जर्सका दीर्घकालीन सेयरधनी थिए।