अन्तर्राष्ट्रिय युवा दिवसको अवसरमा सरसफाइ कार्यक्रम सम्पन्न

काठमाडौं । अन्तर्राष्ट्रिय युवा दिवसको अवसरमा रोटरी क्लब अफ गोंगबु र रोट्रयाक्ट क्लब अफ गोंगबु नर्थको संयुक्त आयोजनामा गरिएको तारकेश्वर–६ स्थित महांकाल मन्दिर क्षेत्रमा सरसफाइ कार्यक्रम सम्पन्न भएको छ ।

बुधबार बिहान ७ः३० बजेदेखि सञ्चालन गरिएको कार्यक्रममा ३५ जना रोटेरियन तथा रोट्रयाक्ट सदस्यहरूको सहभागिता रहेको थियो। सहभागीहरूले मन्दिर परिसर तथा आसपासका क्षेत्रमा सरसफाइ गर्दै फोहोर व्यवस्थापन र स्वच्छ वातावरण निर्माणसम्बन्धी जनचेतना फैलाएका छन् ।