सर्लाहीमा ५१ लाख ३४ हजार रुपैयाँसहित एक जना पक्राउ

रौतहट – सर्लाहीमा स्रोत नखुलेको ५१ लाख ३४ हजार रुपैयाँसहित प्रहरीले एक जनालाई पक्राउ गरेको छ । भारतबाट सर्लाहीको बयलबासतर्फ हुण्डी कारोबारको रकम लिएर स्कुटरमा आउँदै गरेको सूचनाका आधारमा प्रहरीले ती व्यक्तिलाई पक्राउ गरेको हो ।

जिल्ला प्रहरी कार्यालय सर्लाहीबाट खटिएको टोलीले ब्रह्मपुरी गाउँपालिका–२ स्थित राजदेवी मन्दिर अगाडिबाट स्कुटर रोकेर जाँच गर्ने क्रममा महोत्तरीको गौशाला नगरपालिका–१२ का ५७ वर्षीय जगन्नाथ महतोलाई पक्राउ गरेको हो ।