हङकङबाट नेपालतर्फ लागे शेरबहादुर देउवा, पाँच महिनापछि स्वदेश फर्किँदै

काठमाडौं – पूर्वप्रधानमन्त्री एवं नेपाली कांग्रेसका पूर्वसभापति शेरबहादुर देउवा लामो समयको विदेश बसाइपछि आज बुधबार नेपालका लागि प्रस्थान गरेका छन् । उपचारका क्रममा करिब पाँच महिनादेखि विदेशमा रहेका देउवा हङकङबाट नेपाल फर्किन लागेका हुन् ।

देउवा उपचारका लागि लामो समय सिंगापुर र हङकङमा बसेका थि ए। पछिल्लो समय उनी हङकङमा रहेर स्वास्थ्य उपचार तथा फलोअप गराइरहेका थिए। यसअघि हङकङबाट थाइल्यान्डको राजधानी बैंकक हुँदै नेपाल फर्किने कार्यक्रम तय भए पनि पछिल्लो समय उनको यात्रा कार्यक्रम परिवर्तन भएको हो ।