साढे १२ अर्बको अलैंची निर्यात, हालसम्मकै उच्च

नेपालबाट गत आर्थिक वर्षमा साढे १२ अर्ब रुपैयाँको अलैंची निर्यात भएको छ। यो अहिलेसम्मकै बढी हो। पूर्वी नेपालका पहाडी जिल्लामा अलैंची खेती र उत्पादन धेरै हुन्छ। उत्पादित अलैंची सबैजसो मेची भन्सार कार्यालय भएर निर्यात हुन्छ।

मेची भन्सार कार्यालयका अनुसार आव २०८२/८३ मा १२ अर्ब ६३ करोड ६९ लाख ७० हजार रुपैयाँको (६३ लाख ८५ हजार ८७० किलो) अलैंची निर्यात भएको हो।