रोल्पामा पहिरोले घर पुरिँदा दुई जनाको मृत्यु, दुई जना गम्भीर

रोल्पा– अविरल वर्षापछि खसेको पहिरोले घर तथा गोठ पुरिँदा रोल्पाको थबाङ गाउँपालिका–५ बोटलबारा दुई जनाको मृत्यु भएको छ भने दुई जना गम्भीर घाइते भएका छन् ।

बुधबार राति करिब ८:४० बजे पहिरो खस्दा स्थानीय कमलबहादुर पुन मगरसहित करिब ६ घर तथा गोठ पुरिएका थिए । घटनामा १८ वर्षीया शान्ति पुन मगर र करिब ६० वर्षीय कमलबहादुर पुन मगरको मृत्यु भएको प्रहरीले जनाएको छ ।