मधेसमा सशस्त्र प्रहरीद्वारा एकै वर्षमा ७५ करोडभन्दा बढीको अवैध सामान बरामद

रौतहट । सशस्त्र प्रहरीले आर्थिक वर्ष २०८२/८३ मा मधेस प्रदेशका आठवटै जिल्लाबाट ७५ करोड रुपियाँभन्दा बढी मूल्यको अवैध सामान बरामद गरेको छ।

छिन्नमस्ता बाहिनीअन्तर्गत मधेस प्रदेशमा परिचालित सशस्त्र प्रहरीको गस्ती टोलीले २०८२ साउनदेखि गत असार मसान्तसम्मको अवधिमा ७५ करोड २८ लाख ४५ हजार ४७६ रुपियाँ २० पैसा बराबरको अवैध सामान बरामद गरेको हो। उक्त सामान आवश्यक कारबाहीका लागि सम्बन्धित निकायमा बुझाइएको छ।