युरेनियम उत्खननको अधिकार सरकारमातहत लैजाने तयारी

काठमाडौं । मुस्ताङसहित देशका विभिन्न क्षेत्रमा रहेको युरेनियम तथा ‘रेयर अर्थ’ उत्खननको बाटो खोल्ने गरी सरकारले खानी तथा खनिज पदार्थसम्बन्धी कानुन संशोधनको प्रस्ताव संसद्मा लगेको छ ।

प्रस्तावित विधेयकले रणनीतिक तथा सामरिक महत्वका खनिजको अन्वेषण, उत्खनन र व्यवस्थापनमा संघीय सरकारको अधिकार केन्द्रित गर्न खोजेपछि संविधान, संसद् र संघीयताको मर्ममाथि प्रश्न उठेको छ ।