गण्डकीमा बेरुजु तीन अर्ब

गण्डकी प्रदेशमा बेरुजु बर्सेनि बढ्दो छ। गण्डकीमा बेरुजु आठ वर्षमा तीन अर्ब पुग्न लागेको छ। गण्डकी प्रदेश सरकार र मातहतका कार्यालयहरूको हालसम्मको बेरुजु २ अर्ब ८३ करोड ३८ लाख रुपैयाँ पुगेको महालेखा परीक्षकको प्रतिवेदन २०८३ मा उल्लेख छ।

गण्डकीमा आव २०८१/८२ मा ५९ करोड ५० लाख १९ हजार रुपैयाँ बेरुजु थपिएको छ। यो अघिल्लो आव २०८०/८१ को भन्दा ७ करोड २२ लाख १९ हजारले बढी हो। आव २०८०/८१ मा गण्डकीमा पेस्कीसहित ५१ करोड ९८ लाख बेरुजु थपिएको थियो। सोही वर्ष ४५ अर्ब २४ करोड २४ लाख रुपैयाँको लेखापरीक्षण गर्दा १.१५ प्रतिशत बेरुजु निस्किएको महालेखाको ६२औं प्रतिवेदनमा उल्लेख छ।