संसदीय समितिमा आइजिपीको आपत्ति : तथ्यबिना आरोप लगाउँदा प्रहरीको मनोबल घट्छ

काठमाडौं । प्रहरी महानिरीक्षक ( आइजिपी ) दानबहादुर कार्कीले संसदीय समिति जस्तो जिम्मेवार निकायमा संस्थाको गरिमा र व्यक्तिको मर्यादामा असर पर्ने गरी अभिव्यक्ति दिन नहुने बताएका छन्।

प्रतिनिधि सभाअन्तर्गतको सार्वजनिक लेखा समितिको बैठकमा बोल्दै आइजिपी कार्कीले लामो समयदेखि इमानदारीपूर्वक जिम्मेवारी निर्वाह गरिरहेका प्रहरी कर्मचारीमाथि आधारबिनै आरोप लगाउने प्रवृत्तिप्रति असन्तुष्टि जनाए।