तिला नदीमा स्काइभेटर भासिँदा दुई जनाको उद्धार

जुम्लाकाे चन्दननाथ नगरपालिका–१० खल्लागाउँबाट वडा नं. ९ उमगाडतर्फ तिला नदी पार गर्ने क्रममा स्काइभेटर नदीको बीच भागमा भासिँदा त्यसमा सवार दुई जनाको सकुशल उद्धार गरिएको छ।

बुधबार साँझ करिब साढे ७ बजे ठूलो वर्षापछि तिला नदीको बहाव एक्कासि बढ्दा नदी पार गर्दै गरेको स्काइभेटर बीचमै बन्द भएर भासिएको जिल्ला प्रहरी कार्यालय जुम्लाले जनाएको छ। स्काइभेटरमा कालिकोटको पलाता गाउँपालिका–४ का २७ वर्षीय चालक आर्यन विक र चन्दननाथ नगरपालिका–३ जुम्लाका १८ वर्षीय सहचालक आकाश सुनार सवार थिए।