लिनक्समा पनि उपलब्ध भयो च्याटजीपीटी, ओपनएआईले सार्वजनिक गर्यो नयाँ डेस्कटप एप

काठमाडौं । लामो समयदेखि लिनक्स प्रयोगकर्ताले प्रतीक्षा गरिरहेको च्याटजीपीटीको आधिकारिक डेस्कटप एप अन्तत: सार्वजनिक भएको छ । ओपनएआईले लिनक्स अपरेटिङ सिस्टमका लागि च्याटजीपीटी एपको प्रिभ्यु संस्करण जारी गर्दै आफ्नो लोकप्रिय एआई सेवालाई सबै प्रमुख डेस्कटप प्लेटफर्ममा विस्तार गरेको हो ।

यसअघि च्याटजीपीटी विन्डोज र म्याक प्रयोगकर्ताका लागि उपलब्ध भए पनि लिनक्सका लागि छुट्टै एप नहुँदा प्रयोगकर्ताले वेब ब्राउजरमार्फत मात्र सेवा लिनुपर्थ्यो । ओपन सोर्स समुदायबाट लामो समयदेखि आएको मागपछि कम्पनीले लिनक्स संस्करण सार्वजनिक गरेको हो ।