प्रिमियर इन्टरनेसनल स्कुलमा टेडएक्सको दोस्रो संस्करण सम्पन्न, युवा आवाजलाई सशक्त बनाउने प्रयास

काठमाडौं। प्रिमियर इन्टरनेसनल आईबी कन्टिन्युम स्कुलले ‘महानताको सुरुवात यहीँबाट हुन्छ’ भन्ने मूल नारासहित टेडएक्स प्रिमियर इन्टरनेसनल स्कुलको दोस्रो संस्करण सम्पन्न गरेको छ। कार्यक्रममा प्रविधि, कला, खेलकुद, व्यवसाय र शिक्षालगायत क्षेत्रका व्यक्तित्वसँगै विद्यार्थी वक्ताहरूले आफ्ना अनुभव र विचार प्रस्तुत गरेका थिए।

कार्यक्रममा चार विद्यार्थीले सहानुभूति, सिकाइका विविध शैली, विश्वव्यापी अवसर, एक्लोपन तथा मानवीय सम्बन्धजस्ता विषयमा आफ्ना धारणा राखेका थिए। कक्षा ५ का अनुज केई घिमिरेले अरूको भावना बुझ्न र सहानुभूतिपूर्वक व्यवहार गर्नुपर्ने विषयमा बोले। कक्षा ७ का सुवान वीर श्रेष्ठले डिस्लेक्सियासँगको आफ्नो अनुभव साझा गर्दै हरेक व्यक्तिको सिक्ने तरिका फरक हुने धारणा प्रस्तुत गरे।