सरकारले छानबिन प्रतिवेदन सार्वजनिक गरेर गोपनीयताको हक हनन् गरेको एनसेलको आरोप, कानुनी उपचार खोज्ने

काठमाडौं । सरकारले एनसेलको शेयर खरिद-बिक्रीसम्बन्धी छानबिन प्रतिवेदन सार्वजनिक गरेकोप्रति एनसेलले आपत्ति जनाएको छ । कम्पनीले प्रतिवेदन सार्वजनिक गर्दा संवेदनशील तथा कानुनले गोप्य राख्नुपर्ने सूचना सार्वजनिक भएको भन्दै सरकारको कदमको विरोध गरेको हो ।

एनसेलले जारी गरेको विज्ञप्तिमा टङ्कमणि शर्मा दंगालको संयोजकत्वमा गठित छानबिन समितिको ‘एनसेलको शेयर खरिद-बिक्री सम्बन्धी अध्ययन तथा छानबिन प्रतिवेदन, २०८०’ सूचना तथा सञ्चार मन्त्रालयको वेबसाइटमै सार्वजनिक भएको समाचारप्रति ध्यानाकर्षण भएको जनाएको छ ।