देउवाले भने- कांग्रेस कसैको व्यक्तिगत इगोमा चल्दैन

काठमाडौं । उपचारका क्रममा करिब ५ महिना लामो वैदेशिक बसाइपछि स्वदेश फर्किएका नेपाली कांग्रेसका निवर्तमान सभापति एवं पूर्वप्रधानमन्त्री शेरबहादुर देउवाले पार्टीका नेता तथा कार्यकर्ताहरूलाई जनताको हितलाई प्राथमिकता दिएर काम गर्न आग्रह गरेका छन् ।

स्वदेश फर्किएलगत्तै विमानस्थलमा संक्षिप्त कुराकानीमा उनले कांग्रेस कसैको व्यक्तिगत इगोमा नभई जनताको सर्वोपरी हितलाई नै केन्द्रमा राखेर अघि बढ्नुपर्नेमा जोड दिएका हुन् । ‘कांग्रेस कसैको इगोमा होइन, जनताको सर्वोपरी हितलाई केन्द्रमा राखेर अघि बढ्नु पर्छ ।’ उनले भने ।