खानेपानी समस्या समाधानका लागि कार्ययोजना बनाएर अघि बढ्न समितिको निर्देशन

काठमाडौँ । प्रतिनिधिसभा अन्तर्गतको पूर्वाधार विकास समितिले देशभर देखिएको खानेपानीको चरम समस्या समाधानका लागि अल्पकालीन, मध्यकालीन र दीर्घकालीन कार्ययोजना बनाएर अघि बढ्न सरकारलाई निर्देशन दिएको छ ।

सिंहदरवारमा बिहीबार बसेको समितिको बैठकले खानेपानी मन्त्रालय, खानेपानी विभाग तथा नेपाल खानेपानी संस्थानका पदाधिकारीहरूसँगको छलफलपछि यस्तो निर्देशन दिएको हो । समितिले नागरिकको स्वच्छ र सुरक्षित खानेपानीमा पहुँच सुनिश्चित गर्नु राज्यको प्राथमिक दायित्व भएको निष्कर्ष निकालेको छ ।