इजाजतपत्र प्राप्त गाइडमार्फत मात्रै पर्यटकीय सेवा सञ्चालन गर्न निर्देशन

बागमती प्रदेश सरकार, उद्योग, पर्यटन, श्रम तथा यातायात मन्त्रालय अन्तर्गतको प्रदेश पर्यटन कार्यालय, बबरमहल, काठमाडौँले इजाजतपत्र नलिएका व्यक्ति तथा विदेशी नागरिकहरूलाई गाइडको रूपमा प्रयोग नगर्न र इजाजतपत्रप्राप्त गाइडमार्फत मात्रै पर्यटकीय सेवा सञ्चालन गर्न कडा निर्देशन जारी गरेको छ।

कार्यालयले एक सार्वजनिक सूचना जारी गर्दै विभिन्न पर्यटकीय गन्तव्य, पदमार्ग र क्षेत्रहरूमा स्वदेशी तथा विदेशी पर्यटकहरूलाई भ्रमण, टुर, ट्रेकिङ, पदयात्रा, म्याफिडङ लगायतका गतिविधिमा सहभागी गराउने क्रममा प्रचलित कानुन बमोजिम इजाजतपत्र नलिएका व्यक्तिहरू गाइडको रूपमा संलग्न भई सेवा प्रदान गरेको गुनासो तथा जानकारी प्राप्त भएपछि यस विषयमा गम्भीर ध्यानाकर्षण भएको जनाएको छ।