किशोर श्रेष्ठ पक्राउ घटनामा प्रेस काउन्सिलले भन्यो- समाचारमा चित्त नबुझे काउन्सिलमा उजुरी दिनुस्

काठमाडौँ- प्रेस काउन्सिल नेपालले आशा मिडियाका अध्यक्ष तथा जनआस्था साप्ताहिकका सम्पादक किशोर श्रेष्ठ पक्राउ परेको घटनाप्रति गम्भीर ध्यानाकर्षण भएको जनाएको छ। काउन्सिलले पत्रकार तथा सञ्चारमाध्यमलाई आफ्नो व्यावसायिक आचारसंहिता पालना गर्न आग्रह गर्दै प्रेस स्वतन्त्रताको मर्यादा कायम राख्नसमेत सम्बन्धित सबै पक्षसँग अनुरोध गरेको छ।

प्रेस काउन्सिल नेपालका वरिष्ठ प्रशासकीय अधिकृत तथा प्रवक्ता दीपक खनालद्वारा जारी विज्ञप्तिमा सञ्चारमाध्यम तथा पत्रकारले व्यावसायिक आचारसंहिता उल्लंघन गरेमा काउन्सिलमा उजुरी दिन सकिने र त्यस्ता उजुरीमाथि कानुनअनुसार कारबाहीको प्रक्रिया अघि बढाइने उल्लेख छ।