देउवाको आगमनले कांग्रेस एक हुन सक्छ: रामहरि खतिवडा

लामो समयको स्वास्थ्य उपचारपछि स्वदेश फर्किएका नेपाली कांग्रेसका पूर्व सभापति एवं पूर्वप्रधानमन्त्री शेरबहादुर देउवाले पार्टीको आन्तरिक विवाद समाधान गर्दै राष्ट्रिय राजनीतिमा निर्णायक भूमिका खेल्ने कांग्रेस नेता रामहरि खतिवडाले बताएका छन्।

देउवालाई स्वागत गर्न त्रिभुवन अन्तर्राष्ट्रिय विमानस्थल पुगेका नेता खतिवडाले सञ्चारकर्मीहरूसँग कुरा गर्दै पछिल्लो समय मुलुकले देउवाको अभाव महसुस गरिरहेको उल्लेख गरे। उनको पुनरागमनले पार्टी पंक्तिमा नयाँ उत्साह थपेको उनको भनाइ छ।