दशौं राष्ट्रिय खेलकुद मंसिर १६ देखि २९ गतेसम्म हुने

कर्णाली प्रदेशमा तय दशौं राष्ट्रिय खेलकुद आगामी मङ्सिर १६ देखि २९ गतेसम्म हुने भएको छ ।

सिंहदरबारस्थित शिक्षा तथा खेलकुद मन्त्रालयमा बसेको राखेपाको १२५औं बोर्ड बैठकले २०८१ सालमा नै आयोजना हुनुपर्ने दशौं राष्ट्रिय खेलकुद मङ्सिरमा गर्ने निर्णय गरेको हो । यद्यपि पाँचौं पटक दोस्रो खेलकुद आयोजनाको मिति सरिँदै आएको छ । राष्ट्रिय खेलकुद परिषद् (राखेप) ले दशौँ राष्ट्रिय खेलकुदका लागि अहिलेसम्म चार पटक मिति तय गरेका छन् । तर हरेक पटक कुनै न कुनै कारण देखाउँदै प्रतियोगिता स्थगित गरिएको छ ।