मृत्युपश्चात् अंगदान : जीवनको अन्त्यपछि पनि नयाँ सुरुवात

प्रत्येक वर्ष हजारौँ मानिस मिर्गौला, कलेजो, मुटु, फोक्सो लगायतका अंगहरूको अन्तिम चरणको रोगबाट पीडित हुन्छन् । यीमध्ये धेरैका लागि अंग प्रत्यारोपण नै दीर्घकालीन र प्रभावकारी उपचार हो । तर अंगको अभावका कारण धेरै बिरामी प्रत्यारोपणको पर्खाईमै जीवन गुमाउन बाध्य छन् । यो स्वास्थ्य सेवाको ठूलो चुनौती हो । यस समस्याको सबैभन्दा प्रभावकारी समाधान मृत्युपश्चात् (ब्रेन डेथ) अंगदान हो।

विकसित मुलुकहरूमा अधिकांश अंग प्रत्यारोपण मृत्युपश्चात् दान गरिएका अंगबाट हुने गरेको छ । नेपालमा पनि यस सम्बन्धी कानुनी व्यवस्था, दक्ष जनशक्ति छ । तर, जनचेतनाको अभाव, सामाजिक भ्रम तथा कमजोर समन्वयका कारण यो अभियानले अपेक्षित गति लिन सकेको छैन।