सुस्तामा नारायणीको कटान जारी, अस्थायी तटबन्ध निर्माण पनि सँगसँगै

बुटवल। नारायणी नदीको कटान नरोकिएपछि पश्चिम नवलपरासीको सुस्ता गाउँपालिका–५ स्थित पारी सुस्ताका स्थानीयवासी त्रासमा छन्।

लगातारको वर्षापछि नदीमा पानीको बहाव बढ्दा केही स्थानमा कटान जारी छ भने नदी गाउँबस्ती र खेतीयोग्य जमिनतर्फ पस्न नदिन स्थानीय तथा सरकारी निकायबाट अस्थायी तटबन्ध निर्माणको काम पनि सँगसँगै भइरहेको छ।