जनआस्थाका सम्पादक किशोर श्रेष्ठ पक्राउको घटना के हो ? कसरी बुझ्ने ?

२८ साउन, काठमाडौं । प्रहरीले जनआस्था साप्ताहिकका प्रकाशक एवं सम्पादक किशोर श्रेष्ठलाई पक्राउ गरी अनुसन्धान अघि बढाएको छ । श्रेष्ठ पक्राउको भोलिपल्ट प्रेस काउन्सिल नेपालले विज्ञप्तिमार्फत आफ्नो ध्यानाकर्षण जनाउँदै यसलाई ‘आफ्नो क्षेत्राधिकारको विषयवस्तु’ भनेको छ ।

प्रहरीले श्रेष्ठलाई नागरिकको वैयक्तिक गोपनीयता उल्लंघन गरेको कसुरको अनुसन्धानका सिलसिलामा पक्राउ गरेको हो । जिल्ला प्रहरी परिसर, काठमाडौंका प्रमुख एवं एसएसपी दिलिप घिमिरेका अनुसार सप्तरी–३ का सांसद अमरकान्त चौधरीको उजुरीका आधारमा उनी पक्राउ परेका हुन् ।