विपद् पीडितले घर बनाउन सहुलियत कर्जा पाउने, बैंकहरूलाई कार्यान्वयन गर्न राष्ट्र बैंकको निर्देशन

काठमाडौं । प्राकृतिक विपद् पीडितले निजी आवास निर्माणका लागि सहुलियतपूर्ण कर्जा पाउने भएका छन् । नेपाल सरकारले गत असार १८ गते ‘सहुलियतपूर्ण कर्जाका लागि ब्याज अनुदानसम्बन्धी कार्यविधि, २०८२’ मा पहिलो संशोधन गर्दै उक्त व्यवस्था गरेको हो ।

अर्थ मन्त्रालयले आर्थिक कार्यविधि तथा वित्तीय उत्तरदायित्व ऐन, २०७६ को अधिकार प्रयोग गर्दै ‘सहुलियतपूर्ण कर्जाका लागि ब्याज अनुदानसम्बन्धी (पहिलो संशोधन) कार्यविधि, २०८३’ जारी गरेको थियो । बिहीबार सोही संशोधित व्यवस्था कार्यान्वयन गर्न बैंकहरूलाई निर्देशन दिएको हो ।