गछिया युवा समाजको वार्षिकोत्सवमा ६० विद्यार्थीलाई शैक्षिक सामग्री

सुन्दरहरैँचा (मोरङ) । गछिया युवा समाज, सुन्दरहरैँचा–३ मोरङले आफ्नो पहिलो वार्षिकोत्सवको अवसरमा विद्यालय भेला तथा शैक्षिक सामग्री वितरण कार्यक्रम आयोजना गरेको छ। सुन्दरहरैँचा–५ स्थित श्रीलाल आधारभूत विद्यालय, लाटीझोडामा आयोजित कार्यक्रममा विद्यालयका ६० जना विद्यार्थीलाई ब्याग, कापी, पेन्सिललगायतका शैक्षिक सामग्री वितरण गरिएको हो।

“शिक्षा, स्वास्थ्य, खेलकुद र सामाजिक सेवा : हाम्रो प्रतिबद्धता, हाम्रो पहिचान” भन्ने मूल नाराका साथ आयोजित कार्यक्रममा विद्यार्थीलाई आवश्यक शैक्षिक सामग्री प्रदान गर्दै अध्ययनप्रति थप उत्साहित बनाउने उद्देश्य राखिएको आयोजकले जनाएको छ।