रेसुङ्गा बहुमुखी क्याम्पस ऋणमुक्त

गुल्मी । आर्थिक संकटमा फसेको रेसुङ्गा बहुमुखी क्याम्पस ऋणमुक्त भएको छ । क्याम्पसको आन्तरिक तथा बाह्य स्रोत एवं रेसुङ्गा नगरपालिकाबाट अनुदान प्राप्त गरेपछि क्याम्पस ऋणमुक्त भएको हो । क्याम्पसले चार बर्षको अवधिमा चार करोड सात लाख ८० हजार चार सय ३८ रुपँैया ऋण तिरेको छ ।

जसमा क्याम्पसको आन्तरिक तथा बाह्य स्रोतबाट दुई करोड ५६ लाख ४५ हजार चार सय ३८ रुपैँया र नगरपालिकाबाट एक करोड ५१ लाख ३५ हजार व्यवस्थापन गरिएको छ । क्याम्पसबाट आ.व. २०७८–७९ देखि २०८२–८३ सम्म अवकाश लिएका प्राध्यापक तथा कर्मचारीहरुलाई भुक्तानी गर्नुपर्ने रकम, उपचार, उपदान र संञ्चित बिदाको रकम क्याम्पसको ऋण रहेको क्याम्पस प्रमुख सूर्य उपाध्ययले जानकारी दिए ।