सुदूरमा नयाँ सरकार गठनको प्रक्रिया सुरु, भोलि बिहान ११ बजेसम्म दाबी पेस गर्न आह्वान

धनगढी । सुदूरपश्चिम प्रदेशमा नयाँ सरकार गठनका लागि प्रदेश प्रमुखको कार्यालयले आह्वान गरेको छ। कमलबहादुर शाहले मुख्यमन्त्रीबाट दिएको राजीनामा स्वीकृत भएपछि प्रदेश प्रमुख नजिर मियाँले बिहीबार संविधानको धारा १६८ को उपधारा (२) बमोजिम नयाँ मुख्यमन्त्री नियुक्तिका लागि दाबी पेस गर्न आह्वान गरेका हुन्।

प्रदेश प्रमुखको कार्यालयले जारी गरेको विज्ञप्तिअनुसार मुख्यमन्त्री शाहले नेपालको संविधानको धारा १६९ को उपधारा (१) को खण्ड (क) बमोजिम प्रदेश सरकारको मुख्यमन्त्री पदबाट दिएको लिखित राजीनामा साउन २८ गतेदेखि लागू हुने गरी स्वीकृत गरिएको छ।