सुदूरपश्चिम प्रदेश प्रमुख मियाँले गरे नयाँ सरकार गठनका लागि आह्वान

धनगढी : सुदूरपश्चिम प्रदेशका प्रमुख नजिर मियाँले नयाँ सरकार गठनका लागि आह्वान गरेका छन्। मुख्यमन्त्री कमलबहादुर शाहको राजीनामा स्वीकृत गर्दै उनले नयाँ सरकार गठनका लागि आह्वान गरेका हुन्।

मुख्यमन्त्री शाहले नेपालको संविधानको धारा १६९ को उपधारा (१) को खण्ड (क) बमोजिम सुदूरपश्चिम प्रदेश सरकारको मुख्यमन्त्री पदबाट दिएको लिखित राजीनामा प्रदेश प्रमुख मियाँले स्वीकृत गरेका हुन्।