अस्ट्रेलियाविरूद्ध हसनको करिअरकै उत्कृष्ट बलिङ, पहिलो दिनमै बंगलादेश हाबी

काठमाडाैँ । बंगलादेशी तीव्र गतिका बलर हसन महमुदले अस्ट्रेलियाविरुद्ध खेल्न पाउँदा आफू उत्साहित भएको बताएका छन् । डार्विनमा जारी पहिलो टेस्टको पहिलो दिन करिअरकै उत्कृष्ट बलिङ गर्दा आफ्नो ‘लाइन र लेन्थ’ कायम राख्न ध्यान केन्द्रित गरेको बताएका हुन्।

डार्विनस्थित मरारा ओभलमा बिहीबार हसनले ५५ रन खर्चिएर ६ विकेट लिएपछि टस जितेर पहिले ब्याटिङ गरेको अस्ट्रेलिया ५३ ओभरमा १९८ रनमै अलआउट भयो। जवाफमा बंगलादेशले पहिलो दिनको खेल सकिँदा १ विकेटको क्षतिमा ९६ रन बनाएको छ।